نومي قليل وطيره شوفة اللي=ودي أشوفه كل ليلة ولا أنام
يا علني أفداه بعضي وكلي=مصدر هنا روحي على مر الأيام
لأجله سهرت الليل ماني مخلي=فرحة حضوره تنتهي مثل الأحلام
ياما سهرت سنين والدم يغلي=من شوقي اللي حرق لدم وعظام
عدة سنين الشوق قلبي يتلي=تلعب بي الأوهام والعب بالأوهام
واما السهر ذا الليل طعمه محلي=لو يستمر لأيام وشهور وأعوام
إن كان ما اسهر عند شوفك ياخلي=لويش ابسهر عاد طول السهر سام
وأظن ملهوف الحشا صار مثلي=يسهر على شأني ينقش للأقدام
مدري صحي الظن وإلا يولي=بعض الظنون تورد لحوض الإعدام
وإن كان ظني صح شافى لغلي=من عاذل وحاسد وحاقد ولوام
عسى فداه البيض شرقي وقبلي=حلو الوصوف اللي تغذي للإلهام
عشقه يشاغلني ليا قمت أصلي=ما كنه إلا ركن بأركان الإسلام
نومي قليل وطيره شوفة اللي=ودي أشوفه كل ليلة ولا أنام