يا غالية لن كان ما أنتِ(ي)بتدرين=أبلغك باللي بحبك ملاقي
مات الهوى بقلوب كل المهاوين=الا أنا أموت والحب باقي
أشتاق لك شوق العقل للمجانين=يا شهد مع سكر جميلة مذاقي
يا ساكنة بالقلب يا نون بالعين=الله يعجل بيننا بالتـلاقي
بس المهم يكون عاجل لعجلين=عشان أبين لك جنون إشتياقي
أروي عطش روحي بعد ما تروين=أقضي معك باق العمر في عناقي
ننهي تعب أيام وشهور وسنين=ما عاد يحصل يا غناتي فراقي
أبقى معك وأنتِ(ي)بالأعماق تبقين=عشيقتي ما عشت والحب راقي
يا بلسم جروحي من الوجد والبين=يا موسعة صدري بعد كان ضاقي
كنتي بعد عسر الهوى للهوى لين=قلبي فقد وعيه وذا الحين فاقي
أنعشت قلبي بعد ما كاد يازين=يغدي من الأشواق تالف حراقي
أخر كلامي يا بعد كل غالين=أنتِ(ي)بقلبي فوق ما كنت هاقي
قلبي وعقلي والمشاعر براهين=تنبيك عن عاشق للقياك تاقي
لو تأمري أجئيك ما قلت بعدين=في ذمتي لاجئيك البراقي
يا غالية لن كان ما أنتِ(ي)بتدرين=جاك الخبر باللي بحبك ملاقي