راحت اللي كانت أحلامي تمناها تمني=ابعدت من عقب ما كانت قريب من يديه
ليتها ما كان راحت بعد صارت شيء مني=عندي أغلى من حياة الروح وأغلى من عينيه
مير حظي والزمن بعد وليف القلب عني=كل واحد بالغصب خذه زمانه في نحيه
والعمر يركض ولا أدري ياهوى متى تحني=ترحم لقلبي وعقلي حين ما ترجع عليه
من بعد ما غبت كني ملتبسني الف جني=كني المجنون قيس بحب ليلى العامريه
السهر رافق عيوني والتوجد مرتهني=أتقلب في همومي بين ذيك وبين ذيـه
أتظاهر بالهنا وأنا حشا ماني متهني=كيف بهنا عقب غيبة صاحبٍ(ن)روحه نديه
ولفي اللي من سنين أهواه عشقه قد مكني=خامر أحلامي غرامه دامت إن الروح حيه
يا قصيدي خبره بعد التباعد صرت كني=كني اللي صايبه بالقلب طاعون المنيه
ما بقي لي غير يأس العمر وأوجاعي و وني=آه من جرح الفراق اللي عدل مليون سيه
حطم الحلم الجميل وحطم ابداعي وفني=فوق وجهي إنرسم هم السنين السرمديه
يا حلوم العمر من عقب التصابي ارجهني=الظروف الكايدة ضد الحلوم الجابريه
راحت اللي كانت أحلامي تمناها تمني=ابعدت من عقب ما كانت قريب من يديه