يا عين طال الليل والنوم يا عين=عيا يجي كن المحاجر درابيل
بأسبا منهو غاب قرب لشهرين=أخر لقانا كان في واحد ابريل
سطعش بالتحديد من بعد الألفين=وأنهى وجوده لليال المقـابيل
مدري علامه غاب ما بين الزين=من يومها بالقلب هم وغرابيل
هذا سبب بلواي مضونتي وين=وين الليالي ودت الولف يا ليل
ما ني مصدق صبر ولفي لذا لحين=ما دز لي بأسباب بعده مراسيل
يا قوي قلبه كان عزم على البين=ويا ضعف قلبي ما تحمل بهاذيل
أون ون اللي بصدره طواعين=وأرمي حمول الهم فوق المواويل
كني طليب يطارده راعي الدين=الليل كله أطرح الهم وأشيل
بين الرجا واليأس والحلو والشين=أسج هاجوسي بليا محاصيل
ماني بعارف وجهتي وأتجه فين=ولاني بعارف حل وأحتال وأحيل
محتار بغياب الغلا كامل الدين=ماهو معودين بقطع المواصيل
ما كان يقوي يغيب لو كان يومين=وشلون عاد بغيبةٍ(ن)هدت الحيل
هذا قصيدي والشواهد براهين=يا ويل حالي منك يا صاحبي ويل
وشلون تقوى تذبح لحب قلبين=تشربت بالحب بلحيل بلحيل
غرامها مغروس من عدة سنين=جوف العروق اللي بحبك محاميل
غرامنا غذى عروق وشرايين=ماله بديل ولا نحب له تبديل
قدر علينا منكتب نحن الإثنين=وأنته وأنا ندري بباق التفاصيل
يا مساويٍ(ن)عندي جموع وملايين=تكفى تجمل عود لا تزيد للكيل
كيل الغياب اللي سقم حال مسكين=ماله دوا لو صار دمعي هماليل
وأنته تعرف الدمع ذل المحبين=وشلون عاد إن هل دمع الرياجيل
في ذمتي الموت يستر ولا يهين=أخير وأبرك من حياة المذاليل
يا عين طال الليل والنوم يا عين=عيا يجي كن المحاجر درابيل