ليش التغلي وأنت بعيوني أغلى=من نون عيني يا بعد كل غالي
إن كان ودك تختبر صبري أولى=تنشد عن الأحوالي وشلون حالي
وإن كان قصدك تختبر حبي أحلى=إنك تخبرني بحبك يا حـالي
هذا الذي يجعل هواك يتعلى=داخل عروق القلب والشوق عالي
كني على جمر الغضاة أتصلى=أبكي بعادك مير ما ينبكا لي
حظي وهجرك والليالي تبلا=خفوقي اللي طاح والحظ مالي
من عقب حبك غالي القلب غلا=ما فيه طبٍ(ن)يبريٍ(ن)لإعتلالي
أنت الوحيد اللي تفرغ وتملى=قلبي بحبك في جميع الليالي
ابعد على كيفك فلا والله أسلى=ماني بسالي عنك فأول وتالي
وإلا تعال ومرحبا فيك وأهلا=القلب بيتك والمشاعر ظلالي
هنا مكانك بالخفوق المحلا=دامك لقلبي بالغلا صرت والي
وصلك لقلبي من متاعبه يجلا=ماله بدالك كان مالك بدالي
ومهما تغلى فأنت بعيوني أغلى=من نون عيني يا بعد كل غالي