نقلة نوعية في مقاليد الحكم بالمملكة العربية السعودية
إعفاء الأمير مقرن بن عبدالعزيز
ونقل ولاية العهد للامير محمد بن نايف
و ولاية ولاية العهد للأمير محمد بن سلمان
......
سلمان عهده عهد حكمة وتجديد=عزم وحزم ملك قوي في قراره
نقل نظام الحكم وأكده تاكيد=لأحفاد أخو نورة بعزم ومهـاره
اختار بن نايف ولي عهد تحديد=ولي ولي عهده ثبت بالجداره
ابنه محمد بالمواقيف صنديد=أثبت وجوده بالحكم وإقتداره
أمير يشهد له قريبين وبعيد=وزير جيش وبالحكم مستشاره
اثنيهم خيرة شباب الأجاويد=قوة بحلم وعدل رافع شعاره
أحسنت يا سلمان جودت تجويد=يالعاهل اللي ما غلط بإختياره
الشعب كله معك ويريد ما تريد=على العهد بايع مشورتك شاره
الله يعز الحكم والشعب والبيد=حاكم وشعبٍ(ن)ما تنكر لجاره
حكامنا اللي يحرزون التماجيد=أهل السيوف المرهفة والشطاره
وحنا لهم وقت الشدايد سواعيد=على يمين العاهل ومن يساره
ومن دون أكرر بالسواليف وأعيد=آل السعود أهل العزم والوقاره
سلمان واللي قبل سلمان وأزيد=اللي بعد سلمان ما تموت ناره
سلمان عهده عهد حكمة وتجديد=عزم وحزم ملك قوي في قراره