قصيدة للشاعر تركي الميزاني
ياعذابي منك ياموتي وياحرماني=
زابنك بالله تخفف عني الي فيه=
من عذابك وشهوالي باقي ماجاني=
في عيوني من عذابك صايرن ماريه=
وانت تدري كل ماتحتاجني تلقاني=
يشهد الله عنك ماتقدر تشح ايديه=
بس تكفي لا تعذبني ولاتنساني=
ضمني يانور عيني في حشاك اشويه=
كل ماشفتك تدخلني في عالم ثاني=
عين تنظرلك بشر وثانيه حوريه=
فيك شيطان الهواء يامنيتي وصاني=
بالغلا والولفِ والتقدير والحنيه=
والقصيد ليا بغيته فيك مايعصاني=
يتباشر في وصوف اعيونك السحريه=
ووجودي لو اشوفك يا بعد خلاني=
والله اني لحذف الغتره على الطاقيه=
كيف انا المجني عليه وكيف صرت الجاني=
لعنبو حظك ضبطت الخلطه السريه=
لين من طيشك ومن حبك نسيت اخواني=
صرت اجي وروح لا هاذي ولاهذيه=
والهواء هو حاكم شعوري وهو سلطاني=
اشهد انه راح فيها تركي الميزاني=
والله اعلم وش تكون الخلطه السريه=