أسعد الله أوقاتكم
يارفيق الشعر مدري رفيق لشاعره=فالليال الأوله والليال التاليه
شاعرك صدك وبعدك جرح مشاعره=ما بقا له غير ذكرى قديمة حاليه
من سنين ماضية حلم ولى فاكره=يوم كان الحلم وردي بهمة عاليه
دارت الأيام وأنهت طلاسم ساحره=الأماني في مخازن هجوسه باليه
ابتدأ نزف الجروح بفؤادٍ(ن)ناحره=عشق من كله ودنياه عنده غاليه
المواجع والحسايف تحاصر حاضره=والغرام اللي هواها بغيره ساليه
صارت أندر بالوصل من فروح تسامره=ولت أيام الهنا بالسنين الخاليه
حين كانت للهوى والغرام تشاطره=يوم كان الشوق ناره وقايد صاليه
يا حشا شاعر هموم الزمان تحاصره=لا تمادى في حلومٍ(ن)ردية فاليه
ما بقا بالوقت فرحٍ(ن)يطيب خاطره=لا وصال ولا سلامٍ(ن)ولا مرساليه
من رفيق الشعر مدري رفيق لشاعره=فالليال الأوله والليال التاليه