أسعدكم الله
الأبيات بدون مقدمات
ودي بكل البشر تعرف بحبي الك=مير اخاف من العواذل واخاف من الحسد
يا شبيهة للملاك ورفيعة كالملك=غير حبك ما شغلني من التلعات احد
في هواك ادور دورة كواكب بالفلك=من عرفتك غرد بخافقي طير السعد
من غلاك أغليت دارك وربعك مع هلك=صرتي لعشقي بلد مثل ماني لك بلد
لو فتحتي خافقي تعرفين لمدهلك=ما سكن في منزلك لا عزيز ولا ولد
قلبي وعقلي على الكل عندي فضلك=والمحبة يا حياتي معاناة وكَبَد
ضمك الخافق وفوق الأحاسيس أرسلك=لين خالجتي كياني وحبك استشد
كل عرقٍ(ن)من عروقي غرامك به سلك=الله اللي سخر القلب لك غض النهد
أزعل ليا حسيت شيءٍ(ن)بوقتك زعلك=خاطري يلتاع وأعيش في حالة نكد
والهنا لا كنت:مبسوط لو متخيلك=يبرق بعيني سحاب الفرح قبل الرعد
الهوي في داخلي امطرك ثم سيلك=طول عمري من غرامك وأنا بحالة وجد
النواظر تحرسك والحنايا منزلك=المشاعر نبض حبك هواك الها مدد
تشعل الأشواق فيني وأبيها تشعلك=لين تال العمر مني على حبك عهد
عهد باسم اللي بحسنك زهاك وكملك=ما يغير وقتنا قلبي لحبك أبد
عهد ما أخون العهد والذي قد جملك=ما يحل بخافقي غير حبك ذا وعد
يالملاك اللي على الروح ربي فصلك=أحمد الله وأشكره واحدٍ(ن)فردٍ(ن)صمد
ودي بكل البشر تعرف بحبي الك=مير اخاف من العواذل واخاف من الحسد