جتني تهز خصورها ومتونها = وأهداب عيني جف منها دمّها ..!!
وأم الكباير كشّرت بسنونها = ياجعلها بالسوس ياصل جمّها ..!!
عذرى جميلة عذّبت مجنونها = وطابور صف وطول يسعى يمّها ..!!
غيدٍ تلحف جلدها وبطونها = وعطورها الطرقي البعيد يشمّها ..!!
لو ماديانتنا نعرف نصونها = أمدى عبايتها خلعنا كمّها ..!!
ولو نعرف أسرتها . عشان عيونها = نطلب يديها من أبوها وعمّها ..!!
ولو تطلب الصدفة : ذهب . عربونها = في جَمعةٍ تشرح ليالي همّها ..!!
أبدفع العربون في ماعونها = لين الفلوس تطشها وتلمّها ..!!
حتى القلوب أزهارها وغصونها = في ظلها يبقى غرام يضمّها ..!!
جتني تهز خصورها ومتونها = وأهداب عيني جف فيها دمّها ..!!
المهند