أسعدكم الله بكل زمان ومكان
قبل النوم أهديكم هذه الأبيات البحرية
يابحر من صفق الهوا موج المشاعر يصطفق=غرق مراكب حلمنا حطم مراسي صبرنا
حلو الأمل يابحرنا في داخل أعماقك غرق=تكسرت مجادفه ساعة نويت بغدرنا
طفل الهوى حاول يقرب للمواني ما لحق=غدى شهيد لموجك الغدار لحظة جزرنا
ما باقي إلا ذكريات لماضي أزمان العشق=حرقة تحت كوم الرماد اللي يغطي جمرنا
يغلي بها دمٍ(ن)يلف من المواطي للعنق=شواهده بخار لأنفاسٍ(ن)تغادر صدرنا
الصدر منها كل ليلة من وهجها يختنق=إلى متى قلب العنا يقدر يحفظ لسرنا
يكاد منها خافقٍ(ن)خلف المحاني يحترق=وإن ضاع ضعنا والأمر لله ماهو بأمرنا
مواجع الشوق العنيف القلب منها منفلق=والفكر يكبح للمشاعر لا تنزل قدرنا
يا خوف قلبي يازمن لو اللسان بها نطق=عز الله إنا مثل ما قالوا حفرنا قبرنا
يالله يامنزل لتبت مع تبارك والفلق=تمم لنا فضلك طلبتك يا الهي سترنا