أسعدكم الله
اليكم الأبيات بدون مقدمات
يا ناشدٍ(ن)عني عسى الله يسلمك=أنا بخير ولا عليًه خلافي
يا علني يابعد الأحباب ماأعدمك=وياعل حالك دوم خير وعوافي
لولا الظروف تحدني كان أكلمك=لا من سمعتك صرت حيل متعافي
وأنا بعد ودي عن الحال أعلمك=وأنشدك عن حالٍ(ن)عن الناس خافي
ياكبر منزالك بقلبٍ(ن)محشمك=حتى لو إنك بالنظر ما تشافي
لكن مصير الوقت بعدي يفهمك=مهما بعدت القلب للود صافي
في داخل الوجدان بالدم راسمك=منقوش حبك بالضلوع النحافي
بين الفكر والقلب شوقي مقسمك=على فراش الحلم طيفك لحافي
طيفك يصور لي عذوبة تبسمك=تسكن بها روحي بحال إرتجافي
اقرأ قصيدي والقصايد بتلهمك=مكانتك بالروح معنى القوافي
في كل قاف الشعر يعلن تقدمك=حتى غدى لحن القصايد خرافي
يا ناشدٍ(ن)عني عسى الله يسلمك=أنا بخير ولا عليًه خلافي