اليوم قلبي ماتريح من ورى حدب الضلوع=كنه جناح الطير يوم يفز بالجنحانيه
القلب ضلى يرتجف من هول ماشفت ويزوع=يالله يارحمن منك العفو والغفرانيه
اليوم شفنا سيل جده في شوارعها يروع =ويدخل منازلها مع الشباك والبيبانيه
واستنجدت جده من الفجعه وصاحت للفزوع=يالله فزعه منك تسبق فزعة العجلانيه
حتى المصلي يوم صلى لاسجودولاركوع=ماغير يشر باليدين ويطلب الرحمانيه
وشفت النساواطفالهن اللي يهلون الدموع= ماكنه الاهول يوم (ن)ذكر بالقرأنيه
لوكان هول اليوم الاكبر مالاحدبعده رجوع=كل البشر بعده تباتعرض على الميزانيه
سبحان رب البيت خلاق البشر رب الجموع=اللي خلق خلقه ويعلم خافي الاعيانيه
ماكن جده غير مع موعد على يوم الربوع=اللي حدث فيها يزلزل ثابت السيسانيه
الله اكبر كن مابن الثنين الا سبوع=وهيه سنه واشهور بين الاوله والثانيه