الراس يبغى ينطح الراس = وأيامنا مقبل سعدها
وأن كان جا في الكهربة ماس = لأغزيك وأخذها بيدها

يامرحبا ياطير قرناس=بالاوله واللي بعدها
لا ينشغل بالك ياعباس=غزة ترى ماهي بوحدها

البحر به عشرين غطاس = والسفن ما نحصي عددها
من فاز لازم ياخـذ الكــاس = لاكــن مـــن دور وجــدهــا

اصرف ذهب وأعطيك الالماس=في حلة(ن)واقف عمدها
الملح والبارود قباس=وأنته أظنك في وقدها

وليا غصون الطــــلح يباس = وعدودكم ما احد وردها
ماني مضحك فوقك الناس = قدها سواة الناس قدها

لأجل كذا اتشيل الفاس=احلامكم كبر صردها
يالزير لا تطمع بجساس=الرمح في كبدك لهدها

هرج السعه يخرب وينحاس=والمقفيـه ماحـد نشدهـا
انجيك في ضيقات الانفاس=ياطيـب النيـات زدهــا

هرج السعة جابلك وسواس=والثابته محد(ن) جحدها
وإن كان خشمك مونس عطاس=احلام ما تملك سندها

شفتك تصلي فابن عباس= تحلها والا تعقدها
والضلع ابه شرشر وبسباس= شبعت به الشاه وولدها

يابن يقلا جوف محماس=اصبر على النار وكمدها
لا ترفس النعمة يا رفاس=تلقا بعد أمر وأدها

ماعاد نوحي حس الاوناس= وزبيد تاكل من زبدها
لولا المطر لرسلت عساس= والبنت ماتلمس نهدها

ياداب جوف البيت دساس=عينه تهامل من رمدها
وسوس لكم ابليس خناس=أصنامكم قمت تعبدها