هذه قصيدة أرسلتها لأخوين عزيزين وسميتها باسمهما
قصيدة:أرسلتها لإخوة بأحد المنتديات
سلام مني ومرحبا في محلي=الله يحييكم بركب القوافل
من مثلكم يفرح ليا جاه مثلي=ومن مثلنا يفخر بكم بالمحافل
إن جيتكم بلقى وجيه تهلي=أدري صحيح العلم ماهو مجامل
واللي يجيني من طرفكم وصل لي=أستبشر بشوفته مثل المخايل
يا ربعي العتبان ما جيت كلي=هذي رموز(ن)مرسله للتواصل
ما أرسلت به خيال والا برجلي=لكن أظنه للمناعير واصل
هذا كلام للعوارف مسلي=ومن يجهله خلوه بالله غافل
الناس فيهم ذيب والبعض سعلي=ومن يجهلك ما ثمنك بالتراسل
ولاني بعجل العلم باخذه مهلي=عشان نعرف ويش صاير وحاصل
دام العيون صحاح ما فيه كحلي=مافيه داعي يا رجال نتزاعل
والا أنا صوام لله مصلي= عاقل وأحب اللي من الناس عاقل
وليا وصلكم علمي وجات رسلي=ترى العلوم مزوح والرب كافل