يالله يامنشي سحاب مراويح=من مدلهم قام ينثر ربابه
من مدلهم للرعد فيه تسبيح=كنه مطوع يوم يقرا كتابه
بامرك وتدبيرك تمشيه بالريح=بامرك ملك ساقه علينا وجابه
يالله عسى نوه يسقي الصحاصيح=فوق المسمى السيل يسقي ترابه
ديرة رجال فالملاقا طحاطيح= الاد ثابت لابة حي لابه
سلام ياجمع الرجال المفاليح=سنة نبي الله ونهج الصحابه
في صرح سالم من جميع السواميح=على المعزه سيسه من بنابه
صرح القوافل صدق ماهو بتلميح=على الوفا والطيب كل درابه
من كل حدب وصوب جو له مساريح=اللي يحث خطاه واللي ركابه
جو له زرافات عجالى مدابيح=من كل قطر و خندفي مع شبابه
سيس بناه الشيخ با مره وتصريح=على النقا والعلم وسع رحابه
ابن هليل ضاري بهبة الريح= مذخور عود ضم قبره ترابه
ولد الشيوخ يفرح الجمع تفريح=ان سلت عنه نقول (ابوعتابه)
ومعه الرجال اللي سواة المصابيح=الدين والاخلاق زود المهابه
ماهم من اللي للمصالح مشافيح=مافيهم اللي للريا والنصابه
تجمعوا على خواطر مساميح=الله يعزز جمعهم بالصلابه
وختامها ذكر الولي منشي الريح=وصلاة ربي فوق مبلغ كتابه

أبو فواز


لا أدري هل أهنيك بهذه التحفة الرائعة

والا أهني نفسي بوجود مثلك بيننا


بحق وبدون مجاملة


قصيدة رائعة من فكر راقي


صح لسانك مدد ما هو عدد


ولم يكن أمامي بد من إقتباسها كاملة بهذا الرد المتواضع



بيض الله وجهك لين ترضى


وتقبل خالص الشكر والتقدير