يا شباب العمر لابده يروح=ينطوي طي الكتاب ولا يدوم
لو كثر الضحك والا زاد نوح=كل شيء ءله على ما قيل يوم
تندمل جروح وتجدد جروح=دائرة ما بين روحات وقدوم
وينه اللي قبلنا شيد صروح=راح باللي راح به خير وهموم
يا شباب أنا لكم صادق نصوح=فكروا باللي تحت ذيك الردوم
يوم لا ينفعك جد ولا مزوح=عاري(ن)ما تمتلك حتى الهدوم
كل من حبك بعد دفنك نزوح=وصرت بين يدين جبار رحوم
ليا تخلى عنك جاهك والشبوح=لا رفيق ولا صديق ولا قروم
وإنقطع حبل المجامل والمدوح=وإبتدأ حصاد مظلوم وظلوم
كل ما قدمت مكتوب بلوح=الخفا معلوم والجهر معلوم
بعدها الميزان والكفة رجوح=ليا جنان الخلد او نار السموم

المشاركة الأصلية كتبت بواسطة همسات شاعرية (المشاركة 58026) صح لسانك ابدعتِ .. !!باركَ الله فيك على هذا التذكير النافع والطيّب نسأل الله أن يوقظ همننا ويبعد عنا فتن الدنيا ما ظهر منها ومابطن وأن يحسن خواتيمنا ويقينا شر الدنيا ولهوها ولن نبخل عليك بدعواتنااااا..!! يعطك العافية تقبل فائق احترامي

صح بدنك ولا هنت


سعدت بردك


لك


تحيتي

صح بدنك ولا هنت


سعدت بردك الطيب


لك


تحيتي