ترى جنوني كلها من جنونك=أتبعك لن سندت وإن كان حدرت
بعد ظنوني سامرتها ظنونك=عذب الكلام اللي نسيته تذكرت
أفرح ليا شفت الفرح في عيونك=وأزعل ليا شفتك بلحظة تكدرت
مفتون في حسنك وذوقك ولونك=لملمتك بقلبي وبالفكر بعثرت
أعشقك في نشوتك وأعشق سكونك=أعشق برودك وأرتمي بنار سعرت
أحلق بعالمك خلفك ودونك=بقضي بقايا العمر أبد ما تغيرت
يرقص قصيدي مع معازف لحونك=تنبت ورود العشق بالقلب لمطرت
خلاص أنا كوني تغشاه كونك=كل الذي أملكه للود سخرت
قلب الوفا في داخلي ما يخونك=حتى ولو إنك بوقتك تكبرت
أسكن فؤادي وأروني من فنونك=هذا خياري وأنت شنهو تخيرت
ذوب شجوني في بقايا شجونك=قل لي بما أعلنت من قبل وأسررت
يا فاتني مقدر على العيش دونك=سيطرت فوق الروح والقلب سيطرت
وإن كان خائف للعرب يحسدونك=ودك تروح ومن مولعك عذرت
جنب عن اللي بالغصب يحكمونك=بعد من أيام التعاسة تحررت
لا ضاع منك اللي يقل لك ياعونك=ما عاد يرجع لو منه تعذرت
دنياك لو غرتك فالله بعونك=يصعب ترد اللي مع الطيش مررت
حتما سياتي يوم تقرع سنونك=ندم على ما فات من عمرك أهدرت

المشاركة الأصلية كتبت بواسطة النجـــــم (المشاركة 56400) صح لسانك وعلا شانك لك تحياتي

شكرا لك على المرور والرد العذب

صح بدنك ولا هنتي


سعدت بردك ونقش قلمك بصفحتي شرف لي


الله يعطيك العافية