يا مشعل للهوى في قلب مغليك=علامك ما تعجل لي علاجي
هواك اللي زرعته في مهاويك=مسبب لي من البعد انحراجي
يا مضنوني تكلم ويش حاديك=يا بعد الكل في جو وفجاجي
ترى صمتك ذبح بوحٍ(ن)يناجيك=يا سر البوح في ليل التناجي
أنا من بد كل البيض شاريك=شريتك بالغلا ما هو خراجي
طلبتك للهوى يا بعد غاليك=متى ترحم تقول اليوم بأجي
سنين تقول لي اصبر وأنا أجيك=طويل الصبر خرب لي مزاجي
سنين طوال وأنا في حراويك=أراقب طلتك للوصل راجي
منايه شوفتك يا علي أفديك=يا جامع ضيق صدري وابتهاجي
عليك أشكي لحالي كيف ما أشكيك=يا عادل بالهوى رغم احتجاجي
هويتك والهوى كله تهاليك=لكن هذا نصيبي و إنزعاجي
لا مني قلت لك ربي يخليك=تعال وقلت لي عقب انفراجي
يا غاية مطلبي روحي بترجيك=بصمت الليل لأطيافك تحاجي
متى تفرح فؤادٍ(ن)ميتٍ(ن)فيك=وتطلق يا بعد عمري حجاجي
متى كفي تضمه بين أياديك=وترحم خافقٍ(ن)بالصدر لاجي
غرامك عقب بعقلي شرابيك=يا نور العين مدري يا سراجي
أقوم من المنام أزهم وأناديك=هواك معقبٍ(ن)بي إرتجاجي
تعال الحق على خفاق حاويك=قبل يغدي مثل هشم الزجاجي
تعال العمر راح أكثره باكيك=جميله ضاع في كثر إدهاجي
طريقٍ(ن)ضمنا بمشيه وأعطيك=بقايا العمر لو فيه انعواجي
ما عاد يعمني هذي ولا ذيك=غرامي ما دخل فيه إزدواجي
يا مشعل للهوى في قلب مغليك=طلبتك لا تماطل في علاجي