سجلي ياليالي ذكريات التلاقي=ليلة الناس مشغولة براس السنه
صار مابيني وبين الهواجس عناقي=مستحيلات حلمي صايرة ممكنه
أخر الليل نوض البرق ساري حقاقي=في سحاب المشاعر وأخرس الألسنه
إمتطيت الخيال اللي شبيه البراقي=الفكر ما يعرف حدود للأوطنه
حلق الفكر في جوٍ(ن)له القلب شاقي=بعد طالت بقلبي لوعةٍ(ن)محزنه
طاف بي حلمي بجوٍ(ن)له الحلم تاقي=في ميادين ليلي والهجوس أحصنه
إجتمعنا بعد طول البعد والفراقي=فرحة الليل نستنا شقا الأزمنه
الحكي إنتحى والشوق واللهف باقي=يشعل النار بأرواحٍ(ن)بدون أدخنه
يا قلوب الغرام اللي شكت من حراقي=طاب ليلك وجاك من الزمان حسنه
قام حظك وفاضت بالحنان السواقي=إنتشي وإفرحي لا تشتكي مسكنه
إرتوي من شرابٍ(ن)عذب حلو المذاقي=وياشموع الفرح ضوي لها الأمكنه
سجلي ياليالي ذكريات التلاقي=ليلة الناس مشغولة براس السنه

المشاركة الأصلية كتبت بواسطة ابن عميش (المشاركة 162824) صح لسانك وبيض الله وجهك على هذه الرائعه من روائعك المميزه ...لك التحيه والتقدير

المشاركة الأصلية كتبت بواسطة أسد العرب (المشاركة 162826) الله الله صح لسانك يا مبدع القوافي استاذ بلا منافس

المشاركة الأصلية كتبت بواسطة همسات شاعرية (المشاركة 162828) ما اروعها من سطور لحروفك صدى ابدعت بصياغة الحروف وتركها بين السطور هنا لتجبرنا على قرائتها سعدت بتواجدي هنا لايتوقف هذا النبض يعطيــك العــآفيــه ..والله يقــويك تقديري ....

المشاركة الأصلية كتبت بواسطة دليل القوافــل (المشاركة 162831) الله عليك ابداع غير مستغرب من مبدع صح لسانك مليون ولا يكفون

المشاركة الأصلية كتبت بواسطة البدوي (المشاركة 162833) صح لسانك للرضا ابدعت وامتعت تقبل خالص التحية

المشاركة الأصلية كتبت بواسطة العبدلي (المشاركة 162835) صح لسانك قصيدة وافية وكافية وفقك الله

المشاركة الأصلية كتبت بواسطة الحر الأشقر (المشاركة 162836) رائعة من روائع يا استاذ الشعر والشعراء خالص التحية