ياللي سكنت القلب والدم والروح=كلي لحبك يا هوى البال ساحه
بنيت لك في داخلي عرش وصروح=جار الزمان وظالم البعد أطاحه
قلبي غدى من شدة الوجد مذبوح=يشكي على نبض المشاعر جراحه
سجين بين ضلوع صدري ومطروح=ماعاد يعرف في دفا الصدر راحه
دمي دموع القلب ومطول النوح=أحرق عروق الحال سافح نواحه
تلعب به الأشواق ويسر ويبوح=لطيفك بعد قصر الفؤاد استباحه
أحرق بساتين الأمل حلم مجروح=الدم يغلي قايد الشوق فاحه
يبست عناقيد الهوى عقب الإشحوح=اللي من أول داخل الروح واحه
من يوم شفت البعد في جوك يلوح=اليأس قلبي ياغلا الروح لاحه
نسيت من وجدي مسرات وفروح=ضيعت ثلثين الذكا والنصاحه
ما عاد بعرف وين من بعدك يروح=ياللي حكمته بالغلا والصراحه
من يوم كاد الوصل ماصار مسموح=كل الظروف تحدني للمناحه
كل ما طرا لي طاريٍ(ن)فيه مصلوح=هاجمه جيشٍ(ن)من عنا ثم أزاحه
لاني ولا شعري بعد غبت مملوح=الشعر شاين فارقته الفصاحه
أعذب قصيدي صار مخنوق مبحوح=حلو القوافي ماتعرف الملاحه
رباه يارحماه قدوس سبوح=إرحم لعقلي قبل فقد الرجاحه

قلبي غدى من شدة الوجد مذبـوح
يشكي على نبض المشاعر جراحه
سجين بين ضلوع صدري ومطروح
ماعاد يعرف في دفا الصدر راحـه
دمي دموع القلب ومطـول النـوح
أحرق عروق الحال سافح نواحـه




احاسيس تدفقت لنشاركك إياها استاذي عبر دهاليز الكلمة .

اكاليل ورد لمتصفح وكل التقدير

المشاركة الأصلية كتبت بواسطة الرقيب (المشاركة 150840) مصافحة اولى صح لسانك مليون ولا يكفون تقبل التحية والاحترام

المشاركة الأصلية كتبت بواسطة مهاجر (المشاركة 150843) صحيت وصح منطوقك ابدعت كعادتك

المشاركة الأصلية كتبت بواسطة الحر النادر (المشاركة 150844) صح لسانك مليااااااااااااااااااااااااار رائعة من روائعك

المشاركة الأصلية كتبت بواسطة ذيبان (المشاركة 150846) صحيت وصح منطوقك راقت لي الله يوفقك

المشاركة الأصلية كتبت بواسطة عبير الشوق (المشاركة 150856) قلبي غدى من شدة الوجد مذبـوح يشكي على نبض المشاعر جراحه سجين بين ضلوع صدري ومطروح ماعاد يعرف في دفا الصدر راحـه دمي دموع القلب ومطـول النـوح أحرق عروق الحال سافح نواحـه احاسيس تدفقت لنشاركك إياها استاذي عبر دهاليز الكلمة . اكاليل ورد لمتصفح وكل التقدير