كان ودك تعرفي بحجم الغلا=اسألي للثواني وهي تخبرك
كل نبضة بقلبي تقل لك هلا=وكل فكرة بفكري بها منظرك
ماعرفت الحلا ويش يعني حلا=لين عشتي بخلدي ولي صورك
يابعد كل غالي وكل الملا=الهوى والمحبة على مخبرك
كل يومٍ(ن)غرامك يحقق عُلا=في فؤادٍ(ن)بكل الجسد بعثرك
أذكرك في ملا وأذكرك في خلا=وين ماكنت فكري معي دورك
ما تفارق خيالي ولا تسألا=كثر ماذا بحبك وكم أذكرك
غيم حبك على الروح ما ينجلا=والمشاعر سحايب ولي تمطرك
الصحيح المؤكد ولا تزعلا=ليتني مثل سحرك بعد أسحرك
لين عودك من الشوق لي ينحلا=وقتها تعذر لحالتي وأعذرك
كان ودك تعرفي بحجم الغلا=اسألي للثواني وهي تخبرك

المشاركة الأصلية كتبت بواسطة البدوي (المشاركة 145225) صح لسانك واعتلا شانك وفيت وكفيت تقبل الاعجاب

المشاركة الأصلية كتبت بواسطة عبير الشوق (المشاركة 145229) ما تفارق خيالـي ولا تسـألا كثر ماذا بحبـك وكـم أذكـرك غيم حبك على الروح ما ينجلا والمشاعر سحايب ولي تمطرك الصحيح المؤكـد ولا تزعـلا ليتني مثل سحرك بعد أسحرك في الحب نكون أجمل مخلوقات الله تهرول أرواحنا وتقطن في عالم أحبتنا أستاذي نهلنا من عذب حروفك لا نمل صح نبضك والقلم تقديري

صحت أبدانكم لا عدمتكم جميعا

سعدت بحضوركم الكريم وردكم العذب

شكرا لكم خالص تحيتي