تدرون شنهو يبدل الحال لا حال=الشكر والنكران رازق وخلًاق
وتدرون شنهو ينزل لقدر عقال=ليا صاحبوا منهو مضيع للأخلاق
وتدرون شنهو يرفع لقدر جهال=ليا صار تحت يدينهم مال وأرزاق
وتدرون شنهو يسعد قلوب الأنذال=ليا حصلوا فرصة وشبعوا بها طقاق
وتدرون شنهو يتلف الحال والمال=جحد النعم وإسراف في بذخ وإنفاق
وتدرون شنهو يقعد الراس فنجال=من حمسةٍ(ن)لاهي بنية ولا حراق
وترون شنهو يلعب بعقل رجال=أنثى ليا من غاب شوفته تشتاق
وتدرون شنهو يذبح لقلب خيال=كلمة جفا تجرح مشاعر بالأعماق
وتدرون شنهو يقرب بعيد الأميال=العلم قرب كايدٍ(ن)عبر الأفاق
وتدرون بأحس خاتمة تنه الأعمال=توبة قبل تلتف ساقٍ(ن)على ساق
وتدرون شنهو يبعد قريب وصال=الموت لا حطوه من تحت الأطباق

صح لسانك ،،

أبدعت وأمتعت الذائقة

نص عذب ومميز

نص يفرض اعجابة بجدارة

كالعادة نصوصك الرائعة لحرفك وهج

دمت بسمو بوحك الجزل


أجمل تحية ..