القصيد اللي من أول تشتكي مني بحوره=شايفه قام يتمرد إن نظمته وإن كتبته
بعد شأن الوقت حلو الشعر ما يعجب سروره=إختلف نظم القصيد وعزني ساعة طلبته
القصيد اللي من أول ما يتعبني نفوره=قام تعصاني لحونه تنتحي كل ما قربته
القصيد اللي عشقته وده يطير طيوره=وإن عسفته بالمشاعر صاح بي إني ظلمته
وده يسوي عليه بأخر الأيام ثوره=مثل ثورة مصر لنظام القصيد اللي نظمته
يا قصيدي لا تحاول مالكم غيري تزوره=حاكمك مثل معمر من يحاربني حربته
والله إني ما تنازل عنك لو تغدي حروره=عاسفك عسف الصعاب وموجك العاتي ركبته
ماني بقابل تفاوض معك ماعندي مشوره=طيعني والا تعصاني صعبك الكايد عسفته
بالسياسة والكياسة ذي قوافيك معموره=عز للي عزني واللي تحداني نكبته
ماني بحسني ولاني بن على رغم غروره=أنت تدري يا قصيدي بالحكم اللي حكمته
البحور اللي تحت حكمي محيط بعيد غوره=والكنوز اللي بجوفه كلها ملكي كسبته
القصيد اللي من أول تشتكي مني بحوره=ما عليه لو تمرد إن نظمته وإن كتبته

صحت أبدانكم جميعا


سعدت بحضوركم وردودكم الطيبة


لكم خالص تحيتي