أفخر بربعـي عتيبه..
 

مرت سنين وكل مرقاب أويق به
أرقب نجوم الليل والنفس مايله

عيت على حب البني تدرج رحاها
من عقب من عني تباعد شمايله

وامسيت بالونات نفسي تجرها
أجري ورى حظي ولا ني بنايله

يلومني خبل مع الناس صيفته
ما سر ربعه يوم هذي خصايله

أسند له الحجه ويتبع حدورها
واليا انقصر عنها فلاني بسايله

نفسي على العزه تلامع نجومها
ماهي على غرات غيري مذايله

وربعي عتيبه مستعز بشانها
ولا تنقصر روس مع الوقت طايله

أحشم بحشمتهم وتشهد فعولنا
يوم الدما في ساحة الحرب سايله

هذا وانا عندي علوم أكنها
باقصى الحشا واليوم جات متهايله

أسبح بحور للجواهر والدرر
أفزع لها والبحر تفجع هوايله

أميز الكلمه واوضح حروفها
والضعف مالي رغبة في مقايله

واليا نشدت الحبر قال استهاض بي
بــــراق مـــزن والــــــعـــتيبي يخايله

للشاعر :خالد العتيبي

رد: أفخر بربعـي عتيبه..
 

الله الله


قصيدة رائعة


صح لسانك ومشكورة على حسن الاختيار


كلك ذوق

رد: أفخر بربعـي عتيبه..
 

والنعم بدون قصور بباقي القبايل


قصيدة جزلة


مشكورة على النقل

رد: أفخر بربعـي عتيبه..
 

صح السان الشاعر خالد العتيبي قصيدة جميلة جزله

والف شكر لكٍ يا شوق القصيم على الطرح الجميل المميز

تقبلو تحياااااااااتي الخااااااااااااصه

صقر عتيبة

رد: أفخر بربعـي عتيبه..
 

رد: أفخر بربعـي عتيبه..
 

رد: أفخر بربعـي عتيبه..
 

رد: أفخر بربعـي عتيبه..
 

قصيده جزله من الشاعر المبدع

خالد العتيبي وبيض الله وجهه

وسلمت يمينك على هذا الاختيار

الجميل والموفق ...لك التحيه

والتقـــــــــــــــــدير

رد: أفخر بربعـي عتيبه..
 

صح لسانك ومشكورة على الاختيار الذوق


لك خالص التحية

رد: أفخر بربعـي عتيبه..