يا صغيرٍ(ن)ما سنك بسني=في زحمة الحجاج يا زينك
أدعج غنج والكف متحني=زينتي الخثرات من شينك
بالنظرة الأولى بتفتني=الله لطف من غنجك ولينك
بغا بليس يقربك مني=من بعد طاحت عيني بعينك
يوم النحر يا جامع الفني=يبا يضيع ديني ودينك
بغيت وأنا محرم أغني=الله ستر من مدة يمينك
تحذير بالله جنبي عني=درب السلامة بيني وبينك
لو تلمسيني يلبسك جني=لا تأخذين الجن بيدينك
ما فيه لا شكٍ(ن)ولا ظني=بكرة تصيحي يا دواء وينك
من بعدها يا حلو يا أغني=درب الشقا في باقي سنينك
يحمسك حبي حمسة البني=ماعاد تلقى منهو يعينك
يا صغيرٍ(ن)ما سنك بسني=في زحمة الحجاج يا زينك