يا شوق عيني علي شوفتك مشتاقـه=ونـتـه مــن الـعــام وعـيـونـي مشـوقـهـا
يـازيـن ولله مـالـي فــي الصـبـر طـاقـه=الـحـزن فــي بعـدكـم روحــي مطـوقـهـا
اشـــوف وقـــع الـمـطـر واخـيــل بـراقــه=سحابـة(ن) كـن خــدك نــوض بارقـهـا
ياعين حر(ن) شلـع واشتـال مسباقـه=وان هبـت الريـح يـطـري لــه يسابقـهـا
من طرف عينه يسوق رمـاح زراااقـه=بـطـراف رمـشــه عـلــي قـلـبـي يفـرقـهـا
بيـن الحواجـب يهـل الصبـح بشراااقـه=واضـيــع مـابـيــن مـغـربـهـا ومـشـرقـهـا
الله علـي الطيبـه الـي تسكـن اعماقـه=عــلــي مـحـيــاه رفــــت لـــــي بـيـارقـهــا
رهيـفـت احـسـاس عـذبــة روح ذواقـــه=يـرخـي لـهـا الــذوق طـرفـه ويتـذوقـهـا
سبحان من صوره واحسن له اخلاقه=درة بـنــات الـبـشـر سـبـحــان خـالـقـهـا
عـيـنـي علـيـهـا تــهــل دمــــوع رقــراقــه=الـيــا ذكـــرت الـــوداع وقـلــت افـارقـهـا