يا مودين الخبر بلغوا عني خبر=علموا منتوقة العنق لا تبطي علـي
غايبة عني شهر كافي غياب الشهر=لا تزيد الطعن طعنة ولا الكيات كي
اتعبت قلبي وعيني مطاولها السهر=اتسلى بالأماني ولا حصلت شي
كني اللي فاقد لوالدينه والنظر=لاني الميت ولاني مع الحيين حـي
اتقلب كن جنبي على صال الجمر=جوف داج الفي لكن ماكني بفي
يابسة كبدي من الشوق لو عندي بحر=اشربه وأقول يا محسنين اريد مي
اتصبر مير ياكيف بقوى للصبر=غيبة المضنون عني ترى ماهي شوي
لو بغيت اجيه والا يجيني ما قدر=الظروف تكيدنا ما تجي كما نبي
المسافة كايده بيننا عمر وسفر=والظروف الجايرة تضعف لعزم الصبي
لو بغيت أجازف لشوفته فوقه خطر=وإن صبرت الهم يطوي معاليقي طوي
خايفٍ(ن)عليه عاذل مقاصيده لشر=ماني بعارف وش الحل عاشق مبتلي
مبتلي بالبعد والبعد عقب لي قهر=الحلول محيرتني ولا كني ذكي
مير ياللي تنقلون الحكي بين البشر=بلغوي عني خبر يفهمه حتى الغبي
يا مودين الخبر بلغوا عني خبر=علموا منتوقة العنق لا تبطي علي

المشاركة الأصلية كتبت بواسطة عبدالرحمن عويض المسعودي (المشاركة 195359) مصافحه اولى صح لساااااانك يابن هليل ويعطيك العااااااافيه تقديري ....

صح بدنك ولا هنت يا شاعر بني مسعود

حيا الله مصافحتك