ياسلام الله سلامن ماحصل فالكون زيه=للرياجيل النشامى فالقوافل أبتديبه
كان جاك الضيف يارجال قدم شاذليه=لاتصك الباب للضيفان ونته من عتيبه

مرحبا في مرحبا من يوم مريتوا هنيه=ننحر القعدان للضيفان ما نحسب صعيبه
الضيوف بدبرة اهل البيت والنيه مطيه=ما خبرنا ضيف يطلب جات من ضيفي غريبه

والله إني ماعليه والله إني ماعليه=ماتضايق من فعولك واتمشى فالرحيبه
لاتخاف من الحيايا ونت رجال الحميه=خل بيتك لضيوف مشرعن والعود طيبه

ما عليك بماضي الأيام يا راع المطيه=مير ذالحينه تغير وضعكم اكبر مصيبه
روسنا ما ترتخي يا صاحبي والنار حيه=الله إنه يرحم اللي ياصقر بنلتوي به

الله أكبر يثبيتي هرجتك فيها خطيه=ماتغيرنا سنين السندوتشه والكبيبه
حط معدالك وراع الصدق يشهدفالقضيه=وكان عندك علم واضح لازمنك تاتجيبه

ماني براعي خطية لا تسوي لك دعيه=دعوة ما تثبت بشاهد على مثلك غليبه
يا صقر من يوم طحت وجابك الله في يديه=والله إني لركب النيشان في وسط الضريبه

الجبال اللي مطله ماتحركها البريه=وراعي البل المولع مايداني فنجيبه
الصقرعالي مقامه ونت في سوق الحويه= ونزلك يثبيتي راحت ضلوعك حطيبه

الجبال جبالنا ترقب على نجد العذيه=والمراجل دونها البارود والنار الشبيبه
الصقر جوف القفص ذبحته ماعادت رزيه=كم ذبحنا من صقور وكم شرينا من جليبه

مانقول قصورفيكم فلقاء ون جات هيه =وضربنا دايم حديد وجرحكم عارف طبيبه
الله أكبر الله أكبر يازمان العنجهيه= منت قادر فالصقور اللي مضاربها عطيبه