ياوردة العصر ياوجه الغرام البشوش=
قدام رد الجواب وقبل طرح السؤال=
خصصت لك عرش ماهو مثل كل العروش=
ما يسكنه غير من حسنه يفوق الخيال=
فتحت بابه عشانك غير ماهو ينوش=
تعالي ارقي بعرش القلب يأم الدلال=
يامزنة الغيث ما تروي عروقي رشوش=
هلي سحابك على قلبي ولا به محال=
الليلة الشوق طاغي والمشاعر جيوش=
تكفين طالبك فزعة ياغزال الشمال=
تكفين تكفين يأم الكحل وأم النقوش=
لا تتركيني لحالي جوف سود الليال=
خليني اهنا بشوفك واهتني بالرموش=
اللي ليا سلهمت نسيت عم ٍ(ن)وخال=
يا مثمنة ما تجيبك مثمنات وقروش=
مالك ثمن غير روحي في جميع الحوال=
تستاهليني كمني ماني من الدبوش=
وأستاهلك ياغزالة من بنات الرجال=
يامريم العصر هذا بالعرب والبلوش=
يانادرة بالطراوة والذكاء والجمال=
ياوردة العصر ياوجه الغرام البشوش=
من بعد رد الجواب وبعد طرح السؤال=