يا سيدة معنى القصيد وقوافيه=أعذب قصيدي فيك وأكذبه وأصدقه
منك الشعر يأخذ عذوبة معانيه=وفيك الشعر تحلا لحونه ومنطقـه
لا من حضرتي زان كله بما فيه=وإن كان غبتي دمعة العين تغرقه
القلب لولا الصبر بيح بما فيه=يرجف هوى والوجد والون مزقه
يغدي سواة الجمر مقدر أطفيه=يحرق حشاي ومن يقربه حرقه
وإن كان جيتي عطرك اللي شريتيه=من ماركة ذاتك دواي أتنشقه
أتيه في عالمك يا كلمل التيه=يا أحلى البشر من مدعسه لين مفرقه
أنت الوحيد اللي به الحسن كاسيه=وأنت الذي قدرت بالقلب تسرقه
أعطيتك الخفاق ما غيرك أعطيه=نبض المشاعر والهواجيس تلحقه
ماهو خسارة فيك دامك تراعيه=يامن فؤادي والقصائد بتعشقه
العمر كله فدوتك يا محليه=واللي مضى قبلك من أيامي أمحقه
العمر يركض والبعد كيف أداويه=وشلون أسابق للزمن يوم وأسبقه
من شأن قلبي يهتني مع مهاويه=تال العمر وتكون من عمري أروقه
يا سيدة معنى القصيد وقوافيه=أعذب قصيدي فيك وأكذبه وأصدقه