مركب قصيدي من مراسيه يدنو=فارد شراعه من مغازيه عايد
صوت الأماني داخل الصدر لجو=تستقبله بالطيب حسب العوايد
بعد صفا له نير الفكر والجو=حطيت له عوج الصخايف وسايد
عله بعد طول المسافات يرسو=على رصيف الولف والشوق زايد
يرتاح ويريح من الجور والسو=تبرا جروحٍ(ن)سببتها البعايد
يلتم شمل الشوق بالشوق للتو=ويرتاح فكري من حلوم وطرايد
والعين من بعد المعاناه تغفو=ويزين طاروق الشعر للقصايد
على رصيف الحب نزرع ونبنو=نقطف ورود أحلامنا والفوايد
ماغير أنا وإياه والحظ يعلو=يازينها لن هان ما كان كايد
نطفي وقايد بالحشا كنها ضو=طنت قلوبٍ(ن)عذبتها السهايد
نروي عروق أرواحنا ياهوى هو=طب الفؤاد اللي طنته النكايد
غيث المشاعر لا تزامت كما النو=برق العيون وبالصدور الرعايد
نعم:رصيف أحلامنا موطن لجو=رُغم المواجع بالهنا دوم سايد
تبرى جروحٍ(ن)مالها سابق برو=وقت الرخا تنزاح كل الشدايد
على رصيف الحلم نضحك ونلهو=عيد لمشاعرنا وفيه نتعايد
مركب قصيدي من مراسيه يدنو=فارد شراعه من مغازيه عايد