يامرحبا ونكرر الترحيبه=عداد ماهبت هبوب النود
ترحيبةِ يامير بإسم عتيبه=أهل الوفا واهل الكرم والجود
حفلِ حضرتوا به حفل ياطيبه=يابندر إبن محمد آل سعود
تاريخكم كل الملا تدري به=ألف ونعم ولا عليكم زود
يابن الملوك أهل الفعل والهيبه=أنواركم تجلا الليال السود
شيخ القبيله شوفك ايهلي به=الشيخ إبن سالم عريب جدود
مقدمك كل العزوه إتحيًي به=واحمد وخالد رحبهم ممدود
ورايد يفيد الطيب ويحري به=نسيبنا من ضمننا معدود
والرحب شامل كل شاب اوشيبه=للي حضرنا نبذل المجهود
حيًيت يامير الكرم والطيبه=ياعداً بوقت الضما مورود
أنتم لنا مرقاباً إنعدًي به=وحنا لكم وقت اللزوم جنود
في ظلكم من دون شك اوريبه=عبدالله وسلمان ذخر العود
لجل الوطن غالِ العمر نسخي به=كيد العدا بنحورهم مردود
دون الوطن نرمي الهدف ونصيبه=حرق العدو بالنار والبارود
نخدم حرم مكه ونخدم طيبه=نستقبل وفود ويروح وفود
ماهمنا النمام راع الغيبه=واللي بنعمه دايماً محسود
ويامرحبا ونكرر الترحيبه=يابندر إبن محمد آل سعود

المشاركة الأصلية كتبت بواسطة ابن عميش (المشاركة 154257) الشاعر المميز وصل الشهيب يشرفني ويسعدني ان اكون اول من يصافح هذا الابداع والشعر الراقي من اهل الشعر لاهل الشعر فلقد رحبت بالامير بندر باسمك وباسم قبيلتنا العريقه عتيبه الهيلا والف نعم وبدون قاصر في القبائل الاخرى تقبل تحيتي وتقديري

المشاركة الأصلية كتبت بواسطة دليل القوافــل (المشاركة 154260) صح لسانك واعتلا شانك وافية من وافي

المشاركة الأصلية كتبت بواسطة الحر النادر (المشاركة 154262) صح لسانك جزلة من جزال انت تحرز وهو يستاهل المدح