قبل الفِراق وقبل توديع الأحباب =
بعطيِك نبذه من ملخص حياتي=
بالقلب من حضرتك جرحاً ولا طاب =
خطراً من اسبابه تجيني وفاتي =
والعين تذرف دمع (ع) الخد صباب=
يشبه لنهر النيل وإلا الفراتي =
والجسم ناحل كنه الثلج لا ذاب =
من زود حبك يامُناي وغناتي=
مشتاق لك والشوق ذابح وغلاَّب =
أركى على كبدي وسبب عناتي =
والي شراتك قافلٍ دونه الباب =
ماله بقلبي منزله ياغلاتي=
المُلك لك والبيت شُيد بالأطناب =
بسمك ومفتاحه معك يامُناتي=
كل البني من طلتك تحسب إحساب =
يانجمة السهر قهرتي البناتي=
حتى القمر في حضرتك صار نصَّاب=
يعكس ضيا خدك على الكايناتي =
ويقول ذا نوري وانا اقول كذاب=
مصدر جبين اصويحبي النور ياتي=