سلامة الغالي من الجرح والنزف=يا أغلى جميع الناس في قلب مغليك
فديت حلو الكف مع صاحب الكف=ليت الوجع بيدي والعافية فيك
روعتني بشكواك يالناعم الترف=منهو يواسيني ليا جئت أواسيك
من روعتي الدم في نابضي جف=نشفت دمي يا عسى الدم يفديك
رجعت سبع سنين بالفكر للخلف=ذكرت نفس الكف روع محاكيك
يا ويل قلبي منك يا كامل الظُرف=يا علني يا قرة العين ما أبكيك
أخشى عليك من الهوا كيف بالعنف؟!=أموت يوم أسمع بمكروه يوذيك
وشلون عاد بجرح ينزف ولا كف=وأنا يحداني بُعد ما بقدر أجيك
ما حيلتي إلا دعا صاحب اللطف=يحفظك يا مضنون عيني ويشفيك
يحميك ويعافيك يا كامل الوصف=ترجع كما ما كنت ربي معافيك
ما تشتكي من بأس يا ناعس الطرف=واللي حصل تنساه وأرجع وأهنيك
سلامة الغالي من الجرح والنزف=يا أغلى جميع الناس في قلب مغليك