المظلوم
 

يامل قلب ً حافه اوناس وهمــــوم =
--------------------------من ينشد المهموم عن ضــــيق بــــاله

وش لون عيني تنعم يلذت الــــنوم=
-------------------------والهم قهواني نصــــــــــــــــيفه دلاله

مدري على من القي الشك واللـــوم=
------------------------- مير الزمن مابه ضـــــــــحيه بــداله

صار الزمان من اكثر الناس مظلوم=
----------------------------حمل الخلايق عنهم الوقت شـــــاله

وانا معاهم ماشي بخط مرســـــوم =
-------------------------- قاسى على وقتً كبير احتمــــــــــاله

دوم اتهمه لوكان ماهو بمتـــــــــهوم=
-------------------------- الى رجعنا للعقل والعــــــــــــــداله

كل شي بالدنيا مقدر ومقســــــــوم=
-------------------------واللي كتب للعبـــــــد لازم ينـــــــــاله

مير البلا بالادمي دايم الـــــدوم =
----------------------عذره يقول ان الزمن ماصفــــــــــــاله

حتى صديقً ماقطعني ولا يـــوم =
--------------------- اما اتصل والا بعث لي رســــــــــــــاله

ماكني الا اخوه عن ساير القوم =
--------------------- او ابن عمه لزم او ابن خـــــــــــــــاله

حتى خذا مايطلب وراح محشوم =
--------------------- وفيت مطلوبه وتكرم ســــــــــــــباله

واقفا ولا عينت من يمه عـــلوم =
------------------باحت رسايله وفقدت اتصــــــــــــــــــاله

اما يحده ضرف ماهو بمعـــلوم =
-------------------- والا اغتناء بعد اخذ شيً سعــــــــــــاله

لو انشده رده على طول مفهوم =
------------------ يبا يقول ان الزمن ما صفـــــــــــــــاله

رد: المظلوم
 

صح لسانك واعتلا شانك



ابدعت بما دونت



تقبل مروري

رد: المظلوم
 

يا سلام على الجزالة بالمنى والمعنى


صح لسانك

رد: المظلوم
 

صح لسانك وبيض الله وجهك



قصيدة جزلة



موفق

رد: المظلوم
 

صح لسانك واعتلا شانك



ابداع معهود


تقبل التقدير

رد: المظلوم
 

لله درك على هذا الابداع والتميز لك تقديري

رد: المظلوم
 

صح لسانك



ابداع وتميز معهود


لله درك يا أبا مشعل


تقبل تحيتي

رد: المظلوم
 

تصوير جميل واكثر من رائع

طريقة مبتكرة وجديدة

استطاع الشاعر جذب انتباه القارئ

ليظل متتبع القصيدة حتى النهاية

صح لسانك مدد بلا عدد

رد: المظلوم
 

ابو مشعل

كعادتك صح لسانك وسلمت يمينك

مبدع ومميز تقبل تحيتي وتقديري

رد: المظلوم
 

صح لسانك مدد ماهو عدد




ابداع غير مستغرب