القوافل العربية

القوافل العربية (https://www.alqwafel.com/vb/index.php)
-   قوافل قصائد الأعضاء (https://www.alqwafel.com/vb/forumdisplay.php?f=14)
-   -   نصائح راع الصدق (https://www.alqwafel.com/vb/showthread.php?t=9214)

سعد حميد الثبيتي 05-05-2009 03:24 AM

نصائح راع الصدق
 
ياالله ياعالم خفا كل مكنون=يالواحد اللي مالنا رب غيره
ياناصر(ن) موسى على قوم فرعون=موسى بجنه والعدو زمهريره
اهدي لكم ياللي على النت تقرون= نصائح(ن) فيها فوائد كثيره
نصيحتي لاهل الردى لاتخاوون= لاتصحبون الا الوجيه السفيره
حنا بوقت يشيب الراس وعيون= فيه المصايب مثل وبل المطيره
وقت تخالط فيه صاحي ومجنون= واللي صياحه مختلط مع صفيره
الرجل في هالوقت داين ومديون= والصقر يعرف ماقعه من مطيره
واللي على دينه مجاهد ومغبون= صابر وقابض فوق حر السعيره
بالله عليكم يارجال تمرون= على المجالس زودوها بريره
عوجوا ركايبكم وحذرا تعجلون= ريضوا عسى فالامر خير وخيره
بعد السلام وبعد ماتستريحون=مع طيبين الفال واهل البصيره
اخذوا لكم من دلة مالها لون= فنجال لعماس العيون السهيره
حمض الرجال علومها مير بالهون= باللين والحسنى علوم(ن) قصيره
وترى الكلام ان جا من القلب مضمون= ياصل لقلب اللي توحى النذيره
وجرح المشاعر لا على الخلق ترضون= الدين يسر ولا يجي بالعسيره
وترى العسيره تورث ضغون وضغون= والها على المنذر عواقب خطيره
وقولوا سعد يقول بالله تصغون= مهدي نصايح للرجال الوقيره
اخذوا قرايظها عسى تستفيدون= مضمونها التقوى ونفحة عبيره
انتم رجال ولا على الله يزكون= وكل(ن) من الاحرار يعرف مصيره
الموت مدرك كل خايب ودندون= والادمي ياسرع مطوى حصيره
ياجعلكم بجنان عدن(ن) تفوزون= بعد المجاهد فالحياه المريره
تناصحوا بالدين تكفون تكفون=قبل الحساب وقبل كشف السريره
حنا بشر مافيه ناس مايخطون=لكن ابه توبه تجب الكبيره
تجنبوا من فالاوادم يخوضون= اهل الخنا واهل النفوس الشريره
اشوف ناس فالزمن مايسلون= مره مع اهل الطبل ومرار زيره
واحدهم لسانه على الخلق ملسون= وبااعراض خلق الله مثور ذخيره
معود لسانه على سب وطعون = اودع عظام الخلق وسط الجبيره
ناس تصبحهم وناس يمسون= سيفه مجرد مخرجه من جفيره
سفير للي فالمصيبات ملعون= وابليس اخو مره موكل سفيره
حافظ وصاته كلبوها بقانون= على لحوم الخلق يشعب بعيره
تحمل ذنوب(ن) بها صار مديون= مثقل بها ويجر حمل القطيره
لمثل هذا شدوا العزم تكفون= اظن في دربه يغير مسيره
واخذوا حذركم من ضعوف ينمون= من جاب ودى لوحبة شعيره
ياباهتين الناس لاتستهينون= خافوا من اللي عالم(ن) بالسريره
تذكروا نار(ن) عليها تمرون= من حرها ذابت جبال الجزيره
اقروا كتاب الله ومكون الكون = في سورة الحجرات اية نذيره
اية ثنعشر جزء سته وعشرون= واحسب حسابك لاتظلي خشيره
يقول رب الملك للي يغيبون= ترضى بلحم الميته والعثيره
ترضى بلحمه تاكله وانت مغبون= بعد يموت يرم ويحوم طيره
تحفظوا من قيل قال ويقولون= معكم ملوك يكتبون الكبيره
موكلين ابكم ابد مايغفلون= ومع الكبيره يكتبون الصغيره
قبل عليكم جملة الناس ينعون= وتدفن بقبر تطول فيه السفيره
وقبل عليكم بالايادي يهلون= واغلى العيال يهل ترب الحفيره
انصح هل الطالات واللي يعرفون= اهل العقول وثاقبين البصيره
ترى اللسان يخلي الرجل مديون= ليا نطق بالكلمه اللي مريره
وترى الكلام بداخل الصدر مدفون =مدفون في جوفه وباقي اسيره
وليا ظهر للناس من حرز مصيو ن= اصبح كلام الرجل ملك(ن) لغيره
تناقلوه الناس عشرين مليون= ان كان طيب صار طيب مصيره
وان كان خايب صار راعيه محزون= تجرع الحسرات في زمهريره
انصحك زال السيف فالغمد مسنون =حذراك تطلع سلته من جفيره
الا لقول الحق فيما يورون= اسحق به اصحاب الخيول المغيره
بعض المجالس نورها يوضي الكون= وبعض المجالس علة(ن) مستطيره
احذر تمرق عندك انسان مجنون= ترى المجنن يخلفون البصيره
ولاتصحب الاكل دين ومتقون = الدين يحميكم من اشيا كثيره
واهل الحسد والظلم ماينتماشون= اضبط حساب الحاسب ابن عميره
وختامها عداد ناس يصلون= على نبي سنته مستنيره

binhlailبن هليــل 05-05-2009 06:52 AM

رد: نصائح راع الصدق
 
راع الصدق



بيض الله وجهك على هذه النصائح الجميلة


كلام من ذهب نفع الله بما حواه


لك خالص تحيتي

القنـــــاص 05-05-2009 04:08 PM

رد: نصائح راع الصدق
 
صح لسانك مليون ولا يكفون


جزلة من فكر جزل



لا هنت


وجزاك الله خيرا

عساف الأصائل 05-05-2009 07:23 PM

رد: نصائح راع الصدق
 
راع الصدق



صح لسانك


قصيدة رائعة لا هنت

مبنى ومعنى

نصائح جميلة ومفيدة


لا عدمناك ولا عدمنا تدفق عطاءك


تقبل خالص الود والتقدير

دليل القوافــل 05-05-2009 07:40 PM

رد: نصائح راع الصدق
 
راع الصدق


لقد صدقت فيما دونت


نصائح رائعة


وقصيدك مسبوكة سبك


بيض الله وجهك

همسات شاعرية 05-05-2009 09:56 PM

رد: نصائح راع الصدق
 



حقيقه ابداع يستحق الاشادهـ والله




أبدعت و عزفتِ
مناحاة رائعة للنفس
حكم و مواعظ و دروس


رائعة و كلمات تأخذنا إلى بوح راقي صادق يليق بك



صح لسانك


دمت بخير ودام ابداعك

ابن عميش 06-05-2009 02:22 AM

رد: نصائح راع الصدق
 
راع الصدق

صدق لسانك وصح بدنك على

هذه النصائح والحكم بل الدرر

المنقوشه بالذهب ... اطال الله

عمرك يابوفواز ونشاهد ابداعاتك

المتميزه ....لك التحيه والتقدير

عيضه الثبيتي 06-05-2009 12:59 PM

رد: نصائح راع الصدق
 
صح لسانك


يابا فواز

العــذب 06-05-2009 01:16 PM

رد: نصائح راع الصدق
 
صح لسانك وبيض الله وجهك


طيبة من طيب ونصائح في محلها


دمت بخير

صقـر عتيبـة 06-05-2009 04:45 PM

رد: نصائح راع الصدق
 
راع الصدق

صح السانك نصائح منقوشه بماء الذهب ددر من درر التاريخ

تقبل تحيااااااااااااااااااااااااتي

صقر عتيبة


الساعة الآن 12:33 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi

الحقوق للقوافـل العـربية: جوال الرسائل 966553850455+

a.d - i.s.s.w