همي اللي كل ما ولى يـجي = يا همز قامت ضلوعي تزهمه
ـ ما يباعد خابرن له منهجي = بين قلبي والضلوع المبهمه
عاملن له با الضماير مدرجي = كل ما إرتاحت يمر ويلطمه
يانديمي هـات حـبرن يمزجي = باالورق حاول تخط وترسـمه
كا الوشم من فوق خد العسوجي = زيّـنـه ربه وزيّـن مبسمـه
فكري اللي شـد خيله وأ سرجي = من معـاني ماتبي له ترجـمه
حـافظـه عن كل شي ٍ يسمجي = خلصه من كل زيف ونظمـه
وآضحـه مثل النهار الأبلجي = وخافـيّـه ماكل رجلن يفهمه
وآرثه من را س عود ٍ ينتجي = ما يجيب إلا بيوت ٍ محكمـه
يا إلهي وأنت غـوث المرتجي = يوم أخذته راجي إنك ترحمه
بعد ذلك هـات عون المحوجي = من وكيله صـانعـه مارهمه
جـاء من اليابان حي المنتجي = وقفه في جمركه ماسلمـه
منوّة اللي خـابرن له مخرجي = من ورى الحدين حوضه لغمه
ياضرب خطو الطريق الأعوجي = ضو شـعـالن بليله مظلمه
يشبه لشيهان بحـرن أهوجي = قـرنسـه ربه وفعله علمه
يا تقفى صيـدتـه ما تنهجي = كل ماحـاشت كفوفه حطمه
أو كما الحـر الجليل الأفحـجي = ملك شـيخ ٍ ما يحسب درهمه
ذاخـره يالاح برقـه وألعجي = برق وسم ٍ في ثناياء المرزمه
باغـيّـه يازان نبت العرفجي = في إدعوث ٍ باالروايح طمطمه
في إنقرها للحبارى مـدرجي = ماسرح به راعـين هو وغنمه
إرتفع عنها وصّـك وعـرجي = إختلط ريش الحبارى ولحمـه
ذي وصـوف الجيب كله تبهجي = لونه أوضح والجنوب موسمّـه
كاملن ماهو زمـالت عربـجي = التوانك والأسـبـير مدعمّه
من تملك طـارتـه مـاحرّجي = ياصل الحـروّه بوقت الملزمه
وإن مسك له خط سـهلن لجلجي = راعـيّـه ياقل عزمـه يجحمه
فوقه غـلامن عزيز المـنسـجي = مايخـاوي كل عفن وشـرذمه
خـذ مني مرسـول عجل وإنهجي = لبو عبدالله وحـالا ً عـلمـه
يامبارك وأنت عـون الملـتجي = ويش رآيك باالهنوف المكرمه
له عيون(ن) وآسـعـات ودعجي = والبلاء كل البلاء يا سـلهمه
إن هرج كلـه دلع وإتغـنجي = وإن ضحك طب الجروح وبلسمه
يامشاء تقول ثوبه فـجـجي = ردفها يبي يـفارق مـحـزمه
وسطها شـبرن يجي أو مـايجي = والشعرغطاء الكتوف وهـندمه
مثلها بين العـرب مــادوّجي = النهد قض الملابس وأعـدمـه
مشكلتها يا السـنـافي تسهجي = مـاتكلم واحـدن لو كلمه
هقوتك هذا غـرور مـرجـجي = أوثـقـه باالنفس يا الله سلمه
مـاربـاء بين إتـربـه وأعـوجي = ولا نقل حبل الحطب في معصمه
ولا عرف خـب الرضم والأصلجي = ولابناء بيت الشعر بأم رضمـه
ولو يشوفه بـصـري(ن) مايرتجي = طرد زينات الملاثم حـرمـه
نـدري إنك باالمثل مـاتـفـلجي = شاعرن مـاشـال بوكه وقلمه
يامبارك سـالفـتـها تـحـرجي = مشكله ياخوك ماهي مسلمـه

الرجاء بك يامعين المرتجي = جل شأنك يا عظيم المرحمه
طالبك تقبل صلاتي وإحججي =يارجاء كل العباد المحرمه
رحمتك مادمت حي ومعرجي = نجني من هول يوم المشئمه
يا إلـه الكون سهل مخرجي = من عذاب القبر واللي تعلمه
ساعتن فيها العمل يستنتجي = ويسأل إبن آدم عن اللي قدمه
بعد ذكرك يامعـين الملتجي = هاضني جزل البيوت القيمّه
برمـجي من دم قلبي برمـجي = ياخوافي روحي الـمتألـمـه
وإفتحي باب الغـرام وبرهجي = كل باب(ن) للقلوب المغرمه
وإفرجي بعض الهموم وفرجي = كل قاسي قلب وقت الملحمه
يابو مشعل ياشريف المنهجي = لك مكانّه وسط قلبي مكرمه
نفس يوم إتخرجك وإتخرجي = والتخصص والعطاء والأوسمه
شي وآضح ماهو دوبه ينهجي = وأنت دكتور القصيد ومنجمه
يابو مشعل لو تشوف إتلولجي = عفت نومي والعباد منوّمه
دام قلبك باالمحبه مـحـرجي = آصل الحروّه بوقت المعظمه
ياشـعيله حّل وقتك وأدلجي = ياذلولي عجلي باالدرهـمـه
ناحري درب القصاد ودفلجي = ماحلاء ممشاء الأصايل بجهمه
دوهجي ياالصيعريّـه دوهجي = عن عطالك والعفاش مبيّمه
ناحري نجم الشمال ولجلجي = كّن عينك جمر نارن مضرمه
صيعـريّـه بنت عرب المنسجي = راعيّه طول السراء ماينهمّه
كّن سـرحان الخلاء له يدلجي = تقل ينهش باالفخوذ المـبرمه
صوت هملول (ن) تقفاه إعججي = من هماليل الـمزون المرهمّه
فوقه اللي مثل شغل ( الفركجي ) = والسفايف والقصيره بشحمه
والألمان جـرمّـني الـمنتجي = حشو بطنه والمشوط ومحـزمـه
شمري (ن) ماقضاء الليل إدوّجي = ولاعرض رآيه على كل إزلـمه
ولايبي شوف الشرط والقهوجي = سبـع بر(ن) كل قفر(ن) يكهمه
يابو مشعل ياشريف المنسجيى = الرجل بأمرين علمه وإعـدمّـه
جيت كلي جبت حيلي وإحججي = لأجل توثيق العهو د الـمبرمـه
يوم وآجهت الجميل العـسوجي = حظ يافوزان من هو مـحـرمـه
هقوتي من راح يـمّـه مـايجي = فيه لون البرتقاله وإطـعمـّه
عندلن ماشيف حول الـمكوجي = ولا فرش فرشه على ربق إبـهمه
ولا رباء بين الصـداوي وأم لجي = ولا تـصبّـح باالوجيه المجهمه
ولا تعـلّم للغـطـاوي والحجي = ولادخل بيت الحموله وإهدمّـه
ولا تعـوّد للسفر والسـفـرجي = ولايعرف المكيّجه والمـرهمّه
كان دينه مـايـعـارض منهجي = إن هـداه الله لشرع المحكمه
يانـخـيـتـوني من أول من يجي = وكل من يزحم جـنـابك نزحمه
مسـندي فوزان ياحّـل إلججي = وبدّل الضحكه بهرج التمـتمـه
مـايـداني هرج ناس(ن) سـذجي = ولاوخـذله حق غدروجلغمـه
يابعّد من هو عـوايـده الـهجي = نسل عودن مايحب الـهذرمـه
يامـشـاء في قـالتن مـايفلجي = سم ساعه للقلوب الـمجـرمه
وكلنا من صـلب عـون الملتجي = وإبن عمك منك طيـبه وإكرمه
أنا لك ياحّـل يوم(ن) مـزعـجي = وأنت لي عند الأمور المعظمه