تدرين شنهو صار لي من محياك=
ندمان فوق اللي مضى من زماني=
ليت الزمان اللي مضى كان واياك=
كان اهتنيت وطبت سر وبياني=
ولو كنت داري بك بقيت اتحراك=
مثل حجاب اللي سبق بالمعاني=
لكن نصيبي منك يا علي افداك=
اكتب قصيدي فيك واشكي كياني=
واشكي على حسنك لمعلوق يهواك=
قلب ٍ(ن) تولع فيك عطفه نساني=
ولو كان ماجاني من احساس قد جاك=
ما كان حل بخاطرك شخص ثاني=
لكن هذا حظ يبرى ويبراك=
ماهو كتب جالك ومكتوب جاني=
ماعاد لي حيلة بما ربي اعطاك=
وانا وجوب اقنع بماهو عطاني=
لو الفؤاد اللي بصدري تمناك=
ما كل ما نبغا يجي بالأماني=
لكن انا والله فلا يمكن أنساك=
ما دام ينطق بالشهادة لساني=
ماعشت بالدنيا فلا يمكن اسلاك=
مادام قلبي في غرامك رماني=
ياسيدة عمري فلا يمكن أعصاك=
لو كان حظي في وصالك عصاني=
اللي بقي من عمر بقضيه برضاك=
لو كان من جور الزمن صرت أعاني=
امر تدلل وابشر بكل مشهاك=
كرمان لعيونك ترى الصعب هاني=
تدرين شنهو صار لي من محياك=
ماني بنادم فوق باقي زماني=