عذرت من تبع الهوى يا أريش العين=ما جبت من تبعه يكود المتاعب
واليوم شفت البعد صاحبه بعدين=بُعد المسافة والزمن والمطالب
أسهر وخلق الله تنام متهنين=العود ناحل والشكل حيل شاحب
ضعفت عظامي واللحم والشرايين=من كثر ما سويت فيني مقالب
لا من نخيتك قلت لي صبر بعدين=والشوق يشلع فالحشا بالمخالب
ما تجزعك تكفي ليا قلت تكفين=صفي لنبع الحب فوقه طحالب
قلتي:تحلَّم وينك أنته وأنا وين=مشارق الأيام غير المغارب
وشلون بعد اللين للحب تقسين=جفاك عكر لي جميع المشارب
والله حسافة صح ما يكمل الزين=حتى لو إنه صار بأعلى مراتب
من عقب سلمتك فؤادي تذلين=قلبٍ(ن)تولع فيك والحب غالب
الوجد كنه داخله طعن سكين=كن الضلوع من الهوى قش حاطب
أسهر ليال طوال وأنتي تنامين=ما جاء ببالك ترحمين لمصالب
وأنا أدري إنك باهوى بي تدرين=لكن ياتي يوم فيه نتحاسب
وأذكرك بأيام كنتي تمرين=ما كني إلا واحد من الأجانب
حتى السلام يعز فوقي تردين=وأنا لحبك صرت قسيس راهب
بنيت لك في داخل القلب ديرين=دير الغرام ودير صاحب لصاحب
أبيك في وقت القساوة تلينين=لو هي دقائق بإستراحة محارب
لكن غلبك الحظ والوقت والبين=أكبر بليَّة في جميع المثالب
لا صار من تهواه يسوى ملايين=مير الزمن يحداه والحظ خارب
بيع الهوى واشتر عُمر يا أريش العين=الحب ما يجلب يكود المتاعب

المشاركة الأصلية كتبت بواسطة الحر الأشقر (المشاركة 173954) صح لسانك يا شاعر القوافل ابداع معهود ودي وتقديري

المشاركة الأصلية كتبت بواسطة صادق الوعد (المشاركة 173956) اذا كان للابداع عنوان فهو شاعريتك صح لساااااااااااااااااانك

المشاركة الأصلية كتبت بواسطة ملكة الذوق (المشاركة 173959) صح لسانك شاعرنا الرائع تسلم الايادي

المشاركة الأصلية كتبت بواسطة عبير الشوق (المشاركة 173967) استاذي بن هليل / صح نبضك وسلم المداد دمت بخير تقديري