جاني مسج مكتوب فيه اتصل بي=ونفس الرقم لقيته ايضا بموجود
ماهو بلا شرقي ولاهو بغربي=عليه مفتاح البلد مايبا شهود
دقيت وليا نغمته وين طبي=وين الغلا وين الهوى غاب مايرود
وبعد الرنين اللي شعف نبض قلبي=قالت:الو أهلين يافارس الجود
قلت:البقا لقيت رقمك وربي=الظاهر إني كنت غلطان مقرود
قلته وأنا أحس العرق بي يصبي=ضاع الكلام وصرت موجود مفقود
ردت بصوت فيه غنج وعذبي=لا تعتذر اللي حصل شيء مقصود
كانك تعده ذنب فالذنب ذنبي=مهدت لك درب(ن)عن الغير مسدود
عصيت فكري فيك واطعت قلبي=جيتك بطوعي بعد حليت بالفود
مقدر أقاوم نبض قلبي وحبي=وكانك تشوفه عيب ماهو بمجحود
فضفضت لك عن نار فيني تشبي=الى متى بصبر على جرح ولهود
كل المنى أحسك بيوم قربي=وإن كان عز الوصل لاهبت النود
الود ما يعطى ويوخذ بغصبي=تعال والا روح منته بمحدود
قلت:السموحة أخذ مني وكبي=دامك كذا والله لعطيكم الزود
صارحتني وأنا بعد كيف أخبي؟=والله ما خيبك والفعل مشهود
أمر تدلل والك مني بلبي=وأبشر بما يرضيك والطيب ممدود
كل ما طرا لك حاجةٍ(ن)اتصل بي=على المباشر وإن تعذر بموجود