جاني رسالة وليف الروح كاتبها=ما فيه عينٍ(ن)سوى عينيه شافتها
تقول دنيا الهوى لأجلك أعيش بها=أدري بها صادقة وأدري بعفتها
حبيبة الروح غاليةٍ(ن)مطالبها=لكن ظروف الزمن والبعد قفتها
غصبٍ(ن)علينا تعذبني تعذبها=أرواحنا متعبة من زود لهفتها
ياليل بعد المسافة كيف أقربها=اشتاقت النفس لمعانق وليفتها
الروح ولهانةٍ(ن)تبغا حبايبها=مشتاقة لهمسها من حلو شفتها
كن البدر مشرقٍ(ن)على ترايبها=تنهب لعقلي بمشيتها و وقفتها
السحر ما بين مبسمها وحاجبها=و دواه في دلها مدري بخفتها
حورية الوصف فتانة بأطيايبها=شمس الضحى بالصفا عندي وصيفتها
الروح تلقى بها كامل مآربها=من حبها في عروق الدم لفتها
بالشعر والشوق ست الحسن أخاطبها=مشاعري بالهوى ما يوم طافتها
هذا جوابي مشاعر عشق كاتبها=مافيه عينٍ(ن)سوى عينه شافتها