الله يرحم قلبي اللي ذبحتيه=الصد والهجران تحرق كما النار
شهرين ما سمعك بصمتك حرقتيه=ما عاد ينفع فيه طبٍ(ن)ولا أعذار
الله يرحم حبي اللي نسيتيه=ما عاد باقي له بدنياك تذكـار
خلاص انا قررت بعدك تركتيه=برحل وابدل شاين الديرة بدار
بسافر لغيرك ما دامك هجرتيه=ياعلي انسى في متاهات الاسفار
وإن كان ما نسيت للي فعلتيه=إدعي لي برحمة ترى الموت زوار
قبري بصدك ياغرامي حفرتيه=ما كن صدك غير قصاف الأعمار
بعت الجفا وأنتي لعيني شريتيه=ماهمك بدنياك مربح ومخسار
وأنا الذي أدفع ثمن ما فعلتيه=أون وضلوعي خوايا كما الغار
حالي تردى بالهوى ما رحمتيه=ما عادني يا شف الأحلام صبار
خسرت حلمى ياغلا ما خسرتيه=ما دام ما يعنيك لو صار ما صار
مبروك لك اللي بفعلك كسبتيه=والله يعوضني بحلمي والأشعار
يا ما كتبت الشعر فيك وقريتيه=ويا ما ليال أنا والأحلام سمار
الحلم ضاع وحبك اللي بنيتيه=عقب الغياب المر والهجر منهار
حبل الوصل اللي بكفك طويتيه=أنهى زمان الحب مابين إنذار
جرح لقلبٍ(ن)بالتباعد كويتيه=ومسح لذكر مسامرك لين الأسحار
لكن بأمان الله وماهو رسمتيه=بكره يبان وطبع الأيام دوار
تنسيك بعدي ضحكك اللي ضحكتيه=وقت الصفا ما يعقبه غير الأكدار
الله يرحم قلبي اللي ذبحتيه=الصد والهجران تحرق كما النار