يا زين وينك كمل لباقي الذبح...=باقي بقلبي عرق ما جئت يمه...
تعال لأجل نكمل لباقي المدح...=لا من قلبي شفت بالعين دمه...
كمل جميلك ذر فوقه بعد ملح...=خله يزود هم من فوق همــــه...
هذا الكلام الصح يا باغي الصح...=قلبي عناه من أول الوقت خمه..
ما جبت من دنيا الهوى فيدة وربح...=غير الجروح اللي لدمي تسمه...
كل ما طلبت لحاجة منك بتشح...=قدر الصبر فايح تعدا لفمه...
إلى متى بلح والح والح....=لكن تعال وباقي الذبح أتمه...
والك الوعد ما قول مع ذبحتك أح...=كبر وسم ورب الأرباب سمه...
اقطع عروق القلب ما ودي بصلح...=ريحه دامك صرت يازين عمه...
بالمختصر ماعاد تحتاج لك شرح...=خلص عليه ورحمة الله على أمه...
يا زين وينك كمل لباقي الذبح...=باقي بقلبي عرق ما جئت يمه...