الليلة السهرة لها طعم ثاني=ياليتها ما كان يطلع لها صبح
سهرة ترد الروح جهر وبياني=قضيتها مع قاهر البيض بالمدح
يا زين منطوقه وحلو اللساني=خفيف دم وذوق بمعاشره سمح
أحلى من السكر وتمر اللباني=أرق من نسناس وأبرد من الجح
من كأس عشقه صب لي ثم سقاني=زرع بقلبي شوق مبذول ما شح
شكيت له مابي ومد وعطاني=لهفي عليه وقال مفروض تفرح
قلت:السلامة فارقت يا فلاني=طحت بهواك الوضع وشلون يصلح
قال:القدر رماك مدري رماني=هذا نصيب وصاب وحظوظنا رمح
قلت:البلا بعدك بقلبي كواني=بغيت أداوي جرح وأخذت لي جرح
قال:الصبر دواك وآي القراني=قلت:الحياة دروس وتحاوج لشرح
وصفات واجد طبها ما شفاني=جربتها لكن ما جالها ربح
تعال عقلني وداو لجناني=هذا كلام الصح يا باغي الصح
الليلة السهرة لها طعم ثاني=ياليتها ما كان يطلع لها صبح