لي ثلاث أيام قلبي منشغل ويزيد خوفه=كل ما طال الغياب القلب زود في عذابه
لهفتي والشوق وهموم الزمن قلبي تلوفه=والظروف تكيدني والقلب ما يبرا صوابه
كل ليل أسهر على ذكراه من حولي طيوفه=وأتسلى بالقصيد اللي عنا قلبي كتابه
أتمنى وأتوجع والشعر يرسم حروفه=يطرد بحلم العمر والحلم ما يروي سـرابه
يا حسوف القلب والله ياحسوفه يا حسوفه=كل ما جئت اهجع بنومي هوى قلبي سرى به
ودي أسمع صوت مضنوني ليا من عز شوفه=مير لا هذا ولا هذا بعد وقته غدى به
ما بقالي غير لوعة مبتلى يصفق كفوفه=لو تكلم ما أحد يعرف مقصده وإلا جوابه
بالنهاية والبدايه ياعسى ربي يروفه=ما مرادي بالقصيد أشرح لخلي ما درى به
يدري إني أعشقه وأهواه وأحلامي تحوفه=الله إنه يحفظ الغالي ويحفظ له شبابه
العشير اللي تغيب ماحداه إلا ظروفه=يا عساه بخير يرجع ما يطول في غيابه