أشجان ليلي حاصرتني ولا نمت=المسبحة يشكي بكفي خرزها
غطست ببحور الهواجيس ما عمت=بعد المشاعر شوق قلبي حجزها
أناظر أطياف الغلا كل ما قمت=والروح تعلن بالمواجع عجزها
لا من ذكرت البعد عنها تندمت=كن الحنيا رمح حامي لكزها
أسامر الأحلام لهيامها همت=والفكر ضايع بينها ما فرزها
ما كني إلا ريشة(ن)بالفضا حمت=وإلا مطاريدٍ(ن)وراها غززها
ندمان للي فات من عقب ما رمت=وأحلم ببهجاتٍ(ن)بعيده حززها
أفكار تارد بالعقل عنها شمت=وأفكار أطاردها ومتعب لززها
هي شف روحي عن سواها ترى صمت=أوهام وإلا غير بختي غرزها
أمر وحصل ما ينفع إن صحت وإن لمت=فكره ومرت والقصيد إنتهزها
يا قاف شعري دمت لي بالوفا دمت=الراية البيضا بليلي ركزها