يا مشغلٍ(ن)للقلب ياليت تدري=القلب في صدري والأحلام وإياك
أشعل لنار الشوق في جوف صدري=لكن حسافة وين يا شوق بلقاك
أقفت بك الأيام وأقفت بعمري=وأنا هنا واقف زمان أتحـراك
أرقب رجوعك او تعذر بعذري=راح العمر ما شفت هذا ولا ذاك
ما باقي إلا حلم يضوي ويسري=أسهر معه وأنسى لنفسي ولا أنساك
إسمك ورسمك راسخة جوف فكري=في كل فكرة يا هوى البال مرساك
طيفك سمير الليل يلهم لشعري=كل ما نظت لبيت بيتي تمناك
ماعدت أنا وحدي بحبك اهذري=حتى القصائد صارت اليوم تهواك
لكن تعال العمر ما عاد بدري=راح أكثره وإن راح تاليه يفداك
أما أنا ما عدت بطيق صبري=زود الصبر ذباح لو كنت بحماك
يا مشغلٍ(ن)للقلب هالساع تدري=القلب في صدري والأحلام وإياك