ياصيف العشق فيني حل صيفك=
بعد ما تبت عن هذي وذيه=

أنا والليل وأحلامي وطيفك=
مثل قيس بغرام العامريه=

اسامرها وأنا ماني وليفك=
مجرد حلم شب النار فيه=

ياليت الكيف كله مثل كيفك=
ما كان الناس صبوا شاذليه=

شربتك للسهر ماني بضيفك=
وطار النوم حلوه من عينيه=

سرى بي هاجسي كنه حليفك=
على متن اللحون السامريه=

قصيدة حلم ياجنة نصيفك=
أجرك لحن وأنغامي نديه=

أنا بالعشق ياعيني كفيفك=
وأنا معزوفتك بالسمسميه=

على درب الغلا حظي رديفك=
وحلم الليل وأشعري مطيه=

ياصيف العشق فيني حل صيفك=
بعد ما تبت عن هذي وذيه=