تذكرتك وأنا ما كنت في لحظة أبد ناسيك=تذكرت الغرام ولهفتك وأشواقي و ناري
لقيت القلب مشتاق لك والنبضات بتناديك=تعال وبدد الأوهام وأسمع باقي أخباري
تعالي يا غلاي وعزت المولى فأنا شاريك=دفعت لك الثمن روحي وقلبٍ(ن)للغلا شاري
تعالي عن عيون الناس وسط العين بداريك=بسمعك الكلام العذب وأنظم فيكِ(ي)أشعاري
بفرشك الضلوع وبالهدب فالعين بغطيك=وبقطف لك ورود العشق من بستان أفكاري
وبهديك المشاعر كلها يا غالية بهديك=حياتي كلها تفديك يابدر الدجا الساري
تدلل وأطلب اللي تطلبه في ذمتي لعطيك=مطاليبك بلا منة ولا تسويف وأعذاري
ليا منك عطشت من الوله يافاتني برويك=أبهطل لك سحاب وغيث واشرب نهري الجاري
زرعتك في سويدا القلب وعروق الجسد تسقيك=مشاعر نازفة بالحب ما بقين الأعماري
وأنا مطلوبي الأوحد تواصلني اذا يمديك=ولا يسكن بقلبك ياغناتي واحدٍ(ن)غاري
تذكرني مثل ماني على طول الزمن بطريك=بعد سلمتك الخفاق أمانة تحفظ أسراري
رعاك الله يا كل الغلا ياعلني مبكيك=يا نبض القلب نور العين عازف لحن أوتاري
تذكرتك وأنا ما كنت في لحظة أبد ناسيك=تذكرت الغرام ولهفتك وأشواقي و ناري

المشاركة الأصلية كتبت بواسطة عيضه الثبيتي (المشاركة 120259) تدلل وأطلب اللي تطلبـه فـي ذمتـي لعطيـك مطاليبـك بـلا منـة ولا تسويـف وأعـذاري

صح بدنك لا عدمتك



لك تحيتي

الله يعطيك العافية


بارك الله فيك


لك تحيتي

صح بدنك ولا هنت



لك خالص تحيتي